واحد في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور
 
الرئيسيةس .و .جبحـثالتسجيلدخول

شاطر | 
 

 ابوسبع رؤوس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كلي رجه
زائر



مُساهمةموضوع: ابوسبع رؤوس   السبت يونيو 25, 2011 8:38 pm

أصدقائي هي القصة بيحكوها عنا الجدات بسوريا لأحفادهن,,يمكن يكون فيها بعض الكلمات بغير الفصحى,,بس انشاءالله تعجبكم..

كان يا ما كان بقديم الزمان وسالف العصر والأوان لحتى كان,,كان في ثلاث بنات فقراء بيغزلوا((الغزل والنسيج))وبياكلوا من تعب إيديهم,,وكل يوم وحدة منهم بتنزل عالسوق وبتبيع يلي الثياب يلي غزلتهم وبتشتري بثمنهم أكل إلها ولإخواتها..
أول يوم راحت الكبيرة(سلمى) باعت الثياب واشترت أكل ورجعت عالبيت,,وتاني يوم عملت الأخت الوسطى(سلوى) نفس الشيئ,,تالت يوم راحت الاخت الصغيرة(هدى)عالسوق باعت الثياب وراحت بدها تشتري أكل,,هي وبالطريق سمعت شخص عم ينادي((مين بيشتري بيت ببلاش(مجاناً)مين بيشتري بيت ببلاش))
اندهشت(هدى)وراحت لحتى تشوف البيت,,وقالت للرجلSadأنا بشتريه) أعطاها المفتاح ودخلت عالبيت,,كان بيت كبير وحلو كتير,,لما شافت البيت على هالحالة سألت الرجلSadليش بدك تبيعو بدون سعر؟؟)قالSadالحقيقية في بهالبيت بداخل البحرة(نافورة المياه)جني له سبع رؤوس وما حدى سكن بهالبيت أكتر من أسبوعين لذلك قررت إني بيعو بدون سعر)..واشترت هدى بالنقود يلي معها حاجات للبيت,,
و راحت هدى لعند اخواتها والفرحة ظاهرة على وجهها,,وقالت لأخواتها شو صار معها,,غضبو كتير وقالولها(بدل ما تشتري أكل رحتي اشتريتي بيت,,شو بينفعنا البيت)وطردوها من بيتهم واحت هدى مكسورة الخاطر على بيتها الجديد..
دخلت البيت ونظفتوا من أوراق الشجر ودخلت عالمطبخ وطبخت رز بحليب(نوع من أنواع الحلا)ووضعتوا على طرف البحرة,,بعد خمس دقائق,,طلع شخص بسبع رؤوس وأكل كل الصحون,,تفاجئت هدى وراحت مرة تانية وطبخت رز بحليب وكمان وضعتوا على طرف البحرة وطلع نفس الشخص بس بستة رؤوس,,وتابعت العملية هي تطبخ وهو يطلع وياكل مرة بأربع رؤوس ومرو بثلاثة ومرة بإثنين لحتى أخر شي طلعلها برأس واحد وقلها(أنت شجاعة ياهدى وانت أول شخص ما بخاف مني لهيك أنا رح أعطيكي 3شعرات وكل ما احتجتيني احرقي وحدة وبكون صرت عندك)أخذت هدى الشعرات الثلاث وتشكرت المارد كتير..
بعدها راحت لعند اخواتها وقالت لهم شو صار وكيف المارد عم يساعدها بكل شيئ,,شعلت نار الغيرة بقلوب اخوات هدى ولأن أختهم كتير قلبها طيب والكل بحبها قرروا ينتقموا منها..
راحوا مرة لعندها وقالولها(لازم نروح على حمام السوق)
هدى من طيبة قلبها راحت مع اخواتها,,وقت وصلوا عالحمام قالوا لهدى(نسينا الصابون)فقالت:هدى(خذوا مفتاح بيتي وجيبوا صابون)..
أخذوا المفتاح رواحوا عالبيت..

الرجوع الى أعلى الصفحة اذهب الى الأسفل
 
ابوسبع رؤوس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات توم و جيري :: الرومانسيه كلها هنا :: اجمل الحكايات والقصص الرومانسيه-
انتقل الى: